كايروكي.. الفريق
الغنائي اللي بيقدم موسيقى وأغاني روك في مصر من 2003، واللي اشتهروا جدًا بعد
ثورة يناير، تحديدًا بعد أغنية "صوت الحرية"، اللي بيعتبرها شباب مصر "أغنية
الثورة"
الفريق مكون من خمس
أفراد: أمير عيد (غناء وجيتار)، شريف هواري (جيتار وصوت)، تامر هاشم (درامز)، آدم
الألفي (باص جيتار)، شريف مصطفى (أورج).. تعالوا نتعرف عليهم أكتر..
إيه أطرف موقف حصلكم فى حفلة؟
شريف
مصطفى: أول حفلة ليا مع كايروكى ماكنش لسه فى ضجة حوالينا، فبعد الحفلة كنت نازل
من على المسرح وشايل الكيبورد، لقيت كذا بنت جايين وبيدونى كاميرا فافتكرتهم
عايزين يتصوروا مع بعض فجيت أصورهم قالوا لى لأ احنا عايزين نتصور معاك!
موقف
تانى فى حفلة كنا عملناها بعد الثورة علطول والناس اتبسطت يومها، وأنا نازل برضه
من ع المسرح وشايل حاجتى لقيت اتنين جايين بيسألونى:
"يا كابتن هو مين اللى كان بيغنى ده!
قلتلهم
كايروكى فقال لى: كاركى مين يا عم بقولك مين اللى بيغنى!
في الفترة الأخيرة تم إعلان ترشح فريق كايروكي لجائزة (MTVEMA) لأفضل فريق في الشرق الأوسط.. الجايزة دي بتمثل
لكم إيه؟
أمير عيد:
شرف كبير لينا إننا نترشح للجايزة أو نفوز بيها، لأن قيمتها تكمن فى إنها من
الناس، وتصويتهم، وجه اللي بيخلينا نشعر بالسعادة، لكن أهم سبب يخلينا عايزين نفوز
بالجايزة هو إسعاد جمهورنا، واللي بنتمنى نكون عند حسن ظنه.
تامر
هاشم: الموسيقى ملهاش بلد أو لغة، وأعضاء
الفريق كلهم حاسين بسعادة كبيرة، لترشح الفريق للجايزة.
شريف
هوارى: إحنا كنا حريصين من البداية إننا نغنى بلغة بلدنا، في الوقت اللي بيغنى فيه
البعض بلغات تانية زي الإنجليزية، للحصول على فرصة أفضل.
آدم الآلفي: بأدعو للتصويت لينا من الناس اللي بيحترمونا
ويحبونا
عندم شركة إنتاج؟
أمير عيد:
معندناش شركة إنتاج بتنتج لنا، لكن بنسجل لنفسنا في استوديوهاتنا، بالمجهود
الذاتى، إحنا بنعتمد على نفسنا في كل شئ.
هل هتقوموا بدعم السياحة وتروحوا المحافظات وعمل
لحفلات هناك؟
أمير عيد:
دايمًا بنحاول الخروج للمحافظات، عشان نعمل مجموعة من الحفلات، روحنا الغردقة
لتنشيط السياحة، والاسماعيلية.
إيه المشاكل اللي بتقف قدامكم؟
ضعف
الإمكانيات هى أكبر مشكلة قدامنا، لو توفرت لينا إمكانيات أعتقد إننا هنعمل حفلات
في مصر كلها.
ليه مش بتشاركوا في فعاليات بيشارك فيها مطربين زي "تحيا مصر"؟
مفيش
دعوات بتيجي لينا للفعاليات دي، بس إحنا بنغني لمؤسسات خيرية، وبنشارك في حملات لتنشيط
السياحة، وده
دور لابد أن نقوم به.
هل فكرتم في التمثيل؟
كل
الفريق قال إنهم مش عايزين يدخلوا المجال ده، بس بيرحبوا بغناء التترات، لو لقوا عمل
مناسب ليهم، زي فيلم "الشتا اللى فات" لعمرو واكد.
إيه هي خطواتكم فى المرحلة الجاية؟
أمير عيد: بنحط أخر اللمسات فى ألبوم "ناس وناس"، اللي
هينزل في نص 2015، بالإضافة إلى ورش عمل
لتطوير الحفلات.
ليست هناك تعليقات:
إرسال تعليق