اعداد: ياسر فخر, ساره الجوينى , سلوى سعيد
تسعيناتي!
عادل إمام هيدفع ديون مصر بشرط يحط
صورته على الجنيه!
أهم الألعاب
رغم بساطة "ألعاب زمان" لكن
هى الأقرب إلى قلب جيل بالكامل، له خصوصية، ودايما بيحن للماضى بكل تفاصيله، جيل
التسعينيات اللي
قلبه مكنش بيفرح غير بشراء بلاد وهمية في "بنك
الحظ"! فقضوا أيام وساعات طويلة بيحاولوا شراء مدن وبلدان جديدة. وتكون قمة
السعادة لما تطلعلط ورقة مكتوب فيها "رزقت بمولود جديد خذ 50 جنيها من كل
لاعب"!
هى دي الجملة الأشهر اللي كانت دايما
بتسعد جيل كامل رغم أن الأمر كله لا يخرج عن كونه لعبة!
أما "الكرومبة" فكانت هى الصديقة
الصدوقة لبنات الجيل ده، فى الوقت اللي احتل فيه "مسدس المياه"، اللعبة
الأهم والأفضل عند شباب التسعينيات، أما ألعاب "الأتارى" فكانت فى كل
بيت مصرى هدية بيقدمها الأهالي لولادهم فى الأعياد، أما "ماريو" فيتربع
على عرش قائمة الألعاب الأهم لجيل التسعينيات... تعالوا نفتكر مع بعض أهم 6 ألعاب..
-
بنك
الحظ
-
عروسة
الكرمبة الشهيرة
السلم والتعبان
-
لعبة
بيبى فووت
-
الأتارى
-
أهم الإشاعات
نروح من الألعاب.. لأهم الإشاعات
في التسعينيات واللي انتشرت بشكل بشع..
-
صلاح
قابيل دفنوه وهو لسة حي وقعد ينبش في التربة ويخبط لحد مامات بجد!
- عادل إمام هيدفع ديون
مصر بشرط يحط صورته على الجنيه!
-
الفيران
بتدخل في المكنة اللي بتعمل اللانشون وتتفرم معاه! (ودي ممكن ماتكنش إشاعة.. دي
تقريبا طلعت حقيقة!)
-
الست
اللي رجعت بيتها لقت الدبدوب بيحمر بطاطس راح حدف طاسة الزيت عليها!
-
سنة
٢٠٠٠ السيارات هتمشى بعصير القصب!
-
اتصل
برقم 777777 هيرد عليك مش فاكر الشيطان أو عفريت!
-
النضارة
اللي بيلبسها بيشوف الناس من غير هدوم!
أهم البرامج
في عصر ما قبل الإنترنت والفضائيات
كان التليفزيون هو البطل الأوحد، بيسيطر بـ«شاشته الفضية» علي وعي أجيال كاملة، من
ساعة بداية إرساله للمرة الأولى سنة 1960.. تعالوا نفتكر مع بعض أهم برامج
التسعينيات..
- صباح الخير يا مصر
مع دقات السابعة صباحاً بيبدأ
التلفزيون المصرى بثه ببرنامج «صباح الخير يا مصر»، واللي اعتبره مواليد نهاية الثمانينيات
والتسعينيات زي أدان ببداية اليوم في صغرهم، بعد ما كانت الخلفية الدايمة أثناء
تحضير الفطار يومياً، علي أنغام أغنية «يا حلو صبح» الجاية من الراديو!
- عالم الحيوان
المقدمة الموسيقية المميزة اللي مش
بتخطئها ودان وكأنها جاية «طازة» من الأدغال، بعديها صوت رصين لواحد من أهم
الإعلاميين في تاريخ التلفزيون المصري.. الإعلامي الراحل "محمود سلطان" اللي
ارتبط صوته بلقطات البرنامج لصور مختلفة من الحياة البرية في مختلف أنحاء العالم. وبمجرد انتهاء صلاة الجمعة، الكل بيجري عشان
يشوف مشهد «افتراس» أو لقطات جديدة للحياة البرية في صورة وثائقية جديدة على الشاشات
العربية.
- كلام من ذهب
(دهب دهب دهب) مين فينا مش فاكر المُقدمة دي،
كان برنامج «كلام من دهب» للمذيع الكاريزما الأشهر في فترة التسعينيات طارق علام اللي
كان بينزل بلمواطنين فى الشارع ويسألهم سؤال معلومات عامة، وسعيد الحظ بياخد «جنية
دهب»، وخلال البرنامج كان بيحصل كتير من المواقف الكوميدية
- الكاميرا الخفية
رغم إمه ماكنش أول البرامج اللي
استخدمت تقنية «الكاميرا الخفية» الشهيرة، لكنه حقق النجاح الأكبر بين النوعية دي من
البرامج اللي بتعتمد على تقديم مقالب بيتم تصويرها مع أشخاص عاديين في الشارع. الفنان إبراهيم نصر حقق نجاح كبير، وارتبط
عرضه بشهر رمضان، مع انطلاق مدفع الإفطار.
- حديث المدينة
(المحاور) لقب فضله الإعلامى الكبير مفيد
فوزى، من غير ما يعرف إن اللقب هيدي برنامجه شارة أول برنامج «توك شو» عربى، وحقق
المعادلة الصعبة وهى النزولل لمواطنين فى الشارع ومعرفة مشاكلهم، ومواجهة
المسئوليين بيها، استمر حديث المدينة من التسعينيات لحد دلوقتي!
- اخترنالك
بتبدأ السهرة كل أربع من كل أسبوع
ببرنامج «اخترنالك»، بيظهر وش المذيعة فريال صالح عشان تقدم باقة مُختاره بعناية
من المنوعات المختلفة، من كل أنحاء العالم، وبينتهي البرنامج بحلقة من مسلسل أجنبى.
- العلم والإيمان
30جنيه
للحلقة الواحدة، هي دي حكاية برنامج «العلم والإيمان»، قرر التلفزيون المصرى رصد
30 جنيه ثمن الحلقة الواحدة من مشروع «العلم والإيمان»، اللي كان عايز يقدمه عالِم
فى بداياته وهو مصطفى محمود كفكرة جديدة للربط بين الظواهر الكونية والإيمان!
وفضلت الـ«30 جنيه» تُلاحق العلم
والإيمان، لحد ما عرف أحد رجال الأعمال بالقصة فأنتج البرنامج على نفقته الخاصة عشان
بكون من أشهر البرامج التلفزيونية وأوسعها انتشاراً على الإطلاق، واستمر لفترة
طويلة وصلت لـ 18 سنة!
ليست هناك تعليقات:
إرسال تعليق