حوار:
نوره الدسوقى
محرره بوصلة تحاور عبدالرحمن
كفاح ونجاح! أتعب أكثر
تنجح أكثر.. المقولة دي بتتمثل في عبدالرحمن أحمد قدرى، عنده 17 سنة، فتح شركتين
وفشل، لكن ماستسلمش وفتح شركة كمان بقالها سنة ونص اسمها "كنترول" وهى
عبارة عن منصة للبرمجة وحلول الويب، عبدالرحمن اشتغل في شركات مختلفة من وهوعنده
13 سنة لحد مافتح شركته.. تعالو نتعرف عليه أكتر..
·
احكى لنا إزاى طفل عنده 13 سنة يفتح شركتين
ويفشلوا ومازال عنده أمل!
فى البداية كنت بواجه صعوبة شديدة إنى أكمل
بعد أول فشل فى حياتى وأول شركة، لكن كنت مقتنع ومتأكد إن مع كل فشل أنا بشوفه
بتعلم درس جديد بزداد خبرة في حياتى وبزداد " معافرة " وكملت..
·
إزاى بتقدر تعمل تشغل ناس وفي شباب أكبر منك
فى السن فى شركتك الجديدة؟
يمكن بيبقى الموضوع صعب شوية.. إنى اكون بعمل انتر
فيو لحد.. ويجى موظف معايا يقول دا مدير الشركة! ساعتهاً بشوف نظرة استغراب
ودهشة..
وبيبقى الشهور الأولى موضع استغراب! إن الشاب
الصغير ده هيقدر يكون مدير ويقدر يدفع راتب ويخطط ويوجه موظفينه لأفضل!
·
مين هو مثلك الأعلى؟
ستيف جوبز
·
هل عُرضت عليك منحه للخارج؟
اتعرض عليا قبل كده منحة فى جامعة فى
تركيا، لكن حبيت إنى اكمل هنا أفضل.
·
إيه
اللي خلاك تفكر فى البرمجة والويب؟
ارتباطى بالكمبيوتر من وأنا صغير، خلانى مرتبط
بشكل كبير فى المجال ده، خاصة إنه كان من أسهل المجالات إللى أقدر اشتغل فيهاً من
وأنا صغير ومن بيتى.
·
إيه أكبر الصعوبات اللي واجهتك وإزاي اتغلبت
عليها؟
من أكبر الصعوبات واللى نزل عليا كالصاعقة،
وفاة والدى، هو كان من أكتر ا[شخاص دعما وتشجيعًا ليا وأثر كبير على عملى وتوسعى
فى تخصصى، وفكرت فى الوقت ده إني أنقل شغي من مصر، ولكن تراجعت وفضلت متمسك بالحلم اللى كنت عايز احققه وإن
شركتى تبقى من أكبر شركات الوطن العربى.
·
المقولة أو الحكمة اللي بتؤمن بيها؟
— 'If you are born poor its not your mistake, But if
you die poor its
your mistake.'
Bill Gates
·
إزاى بتقدر توفق بين شغلك وشركتك وبين دراستك
؟
أنا متجه أكتر لشغلى وشركتي حتى في 2 ثانوي
واجهت مشكلة وهى سقوطي فى بعض المواد في نهاية السنة، وواجهت كتير من الضغوط من
أسرتي بسبب عدم نجاحي وإهمال دراستى بسبب عملي لأنى كنت بشتغل أكتر من 15 ساعة
يوميًا، لكن بفضل الله تجاوزت الفترة ورجعت للعمل بشكل أقوى، لكن فى الفترة
الأخيرة وفى الكلية، بدأت أدرس تخصص إدارة الأعمال عشان يساعدنى فى تطوير أعمالى
وشركتى بشكل كبير وبحب اللي بدرسه بشكل كبير.
·
إيه رؤيتك لشكل التعليم اللي بتحتاجه
مصر؟
مصر محتاجة أكتر لللتعليم اللى مبنى على العمل
والتجربة بشكل أكبر، وبرضه محتاجة كل شخص يدرس حاجة بيحبها.
ليست هناك تعليقات:
إرسال تعليق