 |
| لاعب نادي الزمالك "علي جبر" |
ظهر في الدوري المصري الموسم ده مجموعة من المدافعين الجيدين
ومن بينهم اللاعب "على جبر"، اللي انتقل من نادى الاتحاد السكندري إلى
نادى الزمالك لمدة خمس سنين، على جبر فى الفترة الأخيرة ظهر بشكل لافت للنظر سواء مع المنتخب أو مع نادي
الزمالك، تعالوا نتعرف عليه أكتر من الحوار ده:
-
على جبر، كان لاعب مش مشهور قبل انتقاله للزمالك،
إزاي قدرت تكسب ثقه جمهور نادى الزمالك؟
الحمد الله أنا انتقلت من نادى الاتحاد السكندرى للزمالك،
وكنت بتمرن بشكل كويس مع التوأم حسن فى أول الموسم وخدت فرصة جيدة للمشاركة وظهرت
بشكل جيد في ماتش السوبر المحلي ضد الأهلى وخدت الثقه من خلال الماتش ده.
الحمد الله الفريق بدأ الدوري بطريقه كويسة، لكن سوء التوفيق
والحظ هو سبب من أسباب النتائج السيئة، إحنا ضيعنا فرص كتير، لكن الكورة في
النهاية مكسب وخسارة.
الأمر بيرجع لتوفيق
من عند ربنا ثم ثقة الجمهور والمدير الفني، وكل المدافعين الموجودين في النادي بنفس
المستوى وبقدرة فنية عالية.
كابتن حسام حسن أحيانًا بيكون مضغوط لأسباب غير
معروفة وأحيانًا بيستخدم أسلوب الهزار والضحك ولكن بيعامل كل الاعبين بالتساوى،
وسبب التجانس بين اللاعبين هو خبرة لاعبين الزمالك والتعاون ومفيش كراهية بينهم.
الزمالك نادي كبير
وفكرة الاحتراف نصيب من عند ربنا، وأي لاعب بيتمنى إنه يحترف في الخارج، ولكن فكرة
المجئ للزمالك كمحطة دي فكرة غلط لأن أي لاعب يتمنى يلعب لنادى الزمالك، وفى الفترة
دي أنا تركيزي للحصول على بطولة مع النادي الزمالك ولسة عقدى مع النادى لسة هينتهى
بعد خمسة مواسم.
الأفضل من وجهة نظري مدرب مصري، ومثال على كده كابتن حسن
شحاتة وكابتن محمود الجوهري، حققوا نجاح كبير مع المنتخب على عكس المدرب الأجنبي.
أنا عشت تجربة مع
المنتخب الأوليمبي تحت قيادة الكابتن هاني رمزي ولكن فى وقتها مكنتش ناضج زي الوقت
ده ولكن ربنا كرمني وبقيت في حالة كويسة، ونصيحتى ليهم: الاجتهاد في الملعب، ولكل
مجتهد نصيب، وربنا يكرمهم ويوفقهم في المستقبل.
أنا بحب الدوري الإسباني
بسبب حبي لريال مدريد وأقرب اللاعبين لقلبي هما راموس وكريستيانو رونالدو.
أنا كنت مركز فى الفترة اللي فاتت إني أنضم للمنتخب سواء كنت
هلعب أو لا، والسبب الأول في الاخفاق هو توقف النشاط الكروي 3 سنين، لأنه أثر في أداء
اللاعبين، وكل من يتولى المهمة دي فى الظروف دي فهو معزور، والمنافسة سواء كان
السنغال أو تونس اللي بيمتلكوا العديد من اللاعيبه المحترفة في الخارج بالإضافة إلى
الإحلال والتجديد في المنتخب سبب عدم وجود تأقلم الكافي بين اللاعبين القدماء
والجداد، دي بعض أسباب الاخفاق.
داخل النادي: أيمن حفنى، وطارق حامد، وابراهيم صلاح، والفريق
كله قريب من بعضه، وخارجه: صديقي بنزيمه.
أنا بتمنى التوفيق يكون
معانا الفترة الحالية، ونفسى أعمل حاجة للنادي وبوعد الجمهور ببطولة الموسم ده.
الله يكون فى عون جمهور الزمالك لأنهم استحملوا كتير، عايز
أقولهم أنتم رقم واحد في النادي واللاعيبه بتلعب عشانكم وبطلب من الجمهور إنه يصبر علينا.
الحمدلله الفترة الحالية ماشية بطريقة كويسة، وياريت عدم خلط
الكورة بالسياسة لأن النشاط الرياضي بيعتمد عليه الكتير من الناس كمصدر رزق.
أكيد ليه تاثير كبير، أي
لاعب يتمنى اللعب قدام جمهور، لأن الجمهور بيدي دافع وثقة للاعبين، ومثال على كدة،
في ماتشات انتهت بالتعادل، ولو كان الجمهور موجود كانت النتائج هتبقى أفضل من كده،
أنا بتمنى رجوع الجمهور أكيد.
 |
| علي جبر مع محرر بوصلة |
ليست هناك تعليقات:
إرسال تعليق