حسام وإبراهيم حسن، مش محتاجين مقدمة عنهم أو عن
تاريخهم، بس نقدر نقول عليهم أساطير الكرة المصرية، تعالوا نتعرف عليهم في حوار
خاص جدًا:
1- إيه دور الوالدين معاكم في تنمية موهبتكم؟
الحمدلله ليهم فضل كبير بعد فضل ربنا، كانوا بيدعمونا بكل الوسائل سواء المادية أو المعنوية، يشجعونا إننا نكمل في الطريق وبدعاهم رضاهم قدرنا إننا نوصل للي كنا بنتمناه كانوا دايمًا بيتمنوا لينا كل الخير.
2- بدأتم مسيرتكم الكروية سنة1984
م، مين اكتشف موهبتكم؟
بدأنا ناشئين في النادي الأهلي لما كان عندنا
18 سنة وكان أول ماتش لينا مع الأهلي قدام الاسماعيلي وفاز فيه الأهلي والماتش التاني ضد الترسانة و فزنا بيه وكان الكابتن الجوهري هو المكتشف لموهبتنا
3- تأثير الراحل العظيم الكابتن محمود الجوهري عليكم كان إزاي؟
هو كان شخصية عظيمة وكنا مشتركين معاه في كتير من الصفات، هو مجتهد جدًا لأبعد الحدود وتاريخه مشرف وشخصيته محترمة وراجل عنده ضمير وبيحب شغله جدًا ووهب حياته كلها في حبه لكرة القدم ومخلص لبلده ومن وجهة نظرنا إنه ماخدش حقه فى مصر ولقى حفاوة بالغة في الأردن ومات هناك.
4- إيه هو سر نجاح التجانس بين إبراهيم وحسام في الملاعب؟
سر التجانس ده
عشان إننا أكتر من إخوات وأصحاب.. فكرنا واحد وموهبة واحدة ومحدش منا يقدر يستغنى عن التاني وطلعنا سلم النجاح خطوة بخطوة.
5- ندمانين إنكم رجعتوا مصر؟
بالتاكيد حاسين بندم عشان بنحس بكيانا أكتر برة مصر، ومش بنحس بيه في مصر، ناس كتير بتهاجمنا هنا ومنهم المستشار متضى منصور.
6- احترفتم في 3 دوريات مختلفة اليوناني والإماراتي والسويسري، إيه اللي كان بيميز المسيرة دي؟
بعد مشاركتنا في كأس العالم احترفنا في باوك اليونانى وبعد كده لصالح نيوشاتل السويسرى وبعدين العين الإماراتى والفرق كان كبير جداً
بين الدوريات برة ومصر وقتها من حيث الإمكانيات الخاصة بالملاعب نفسها وإحترام الجماهير.
محرر بوصلة يحاور حسام حسن وابراهيم حسن
7- من وجهة نظركم مين أحسن لاعب في الدوري في مصر حاليًا وبرة مصر؟
حسام عرفات، وعمرو جمال لاعب النادي الأهلي أما في الكرة العالمية فيه لاعبين ممتازين ولكن مستواهم بدأ ينزل في الـ
3 سنين الأخيرة زي ميسي وكريستيانو رونالدو، أما روبن لاعب بايرن ميونيخ فمستواه جيد جدًا وقدم مبارايات كتيرة على أكمل وجه، وإيسكو في ريال مدريد.
8- إيه أمنيتكم على المستوي المهني ؟
بنتمنى النجاح في أي مكان نكون فيه ونقدم مستوي يليق بالكرة اللي بنحبها من وإحنا صغيرين وتحقيق البطولات
.
9- ممكن تدربوا منتخب مصر؟
لو جالنا عرض لتدريب المنتخب أكيد مش هنتردد في قبول
العرض، ونتمنى إننا
نقود المنتخب قريب، ونوصل بيه لكأس العالم.
محرر بوصلة يحاور حسام حسن وابراهيم حسن
ليست هناك تعليقات:
إرسال تعليق